На 1.01.2015 г. сетку публічных бібліятэк Мінскай вобласці складаюць 488 бібліятэк. На працягу 2014 г. сетка скарацілася на 203 адзінкі: дзейнасць спынілі  па 5 бібліятэк у Бярэзінскім і Дзяржынскім, Крупскім, Уздзенскім раёнах, па 4 – у Барысаўскім, Лагойскім, Пухавіцкім раёнах, 13 – у Вілейскім, па 2 – у Валожынскім, Смалявіцкім раёнах,  па 6 – у Клецкім, Мядзельскім, Салігорскім, Стаўбцоўскім раёнах, 10 – у Капыльскім, па 7 – у Любанскім, Мінскім, Старадарожскім раёнах, па 9 – у Маладзечанскім, Чэрвеньскім раёнах, 8 – у Нясвіжскім, 15 – у Слуцкім,   На  1.01.2015 г. у вобласці налічваецца 488 бібліятэк.

У 2014 годзе 39 закрытых сельскіх бібліятэк ператвораны ў клубы-бібліятэкі.

7 – у Бярэзінскім раёне, 5 – у Барысаўскім раёне, 1 – у Клецкім, Капыльскім, Любанскім, Старадарожскім раёнах, 8 – у Крупскім, 2 – у Маладзечанскім, Нясвіжскім, Стаўбцоўскім, Уздзенскім раёнах, 4 – у Салігорскім, 3 – у Чэрвеньскім.

Інтэграцыя сельскіх публічных бібліятэк і школьных бібліятэк ажыццяўляецца з улікам сацыякультурнай і дэмаграфічнай сітуацыі. На 31.12.2014 г. у вобласці дзейнічаюць 94 інтэграваныя бібліятэкі, 6 з іх падпарадкоўваюцца Міністэрству адукацыі. У 2014 годзе створана 61 бібліятэка, якія знаходзяцца ў ведамстве Міністэрства культуры.

1.01.2015 года было створана 12 інтэграваных бібліятэк, якія падпарадкаваны Міністэрству культуры: 2 – у Слуцкім раёне і 10 – у Стаўбцоўскім.

Такім чынам, на 01.01.2015 года на тэрыторыі Мінскай вобласці дзейнічаюць 106 інтэграваных бібліятэк, 100 з якіх знаходзіцца ў ведамаснай падпарадкаванасці Міністэрству культуры, 6 - Міністэрству адукацыі.

На 01.01.2015 г. ў Мінскай вобласці налічваецца 46 бібліятэк-клубаў, 9 сельскіх бібліятэк сталі бібліятэкамі-клубамі ў 2014 годзе: па 1 бібліятэцы – у Валожынскім, Капыльскім, Любанскім, Маладзечанскім і Чэрвеньскім раёнах, 4 – у Пухавіцкім раёне.

У Дзяржынскім раёне Вязанская сельская бібліятэка ператворана ў Фаніпальскі гарадскі філіял № 35.

З мэтай поўнага ахопу бібліятэчным абслугоўваннем насельніцтва маланаселеных і аддаленых вёсак пры публічных бібліятэках дзейнічаюць 443 бібліятэчныя пункты, а таксама 20 біблібусаў, якія абслугоўваюць больш за 200 аддаленых населеных пунктаў.

У 2014 г. чытачамі бібліятэк вобласці з’яўляліся 543,1 тыс. чалавек (з улікам чытачоў абласной бібліятэкі).У бібліятэках вобласці ў цэлым назіраецца тэндэнцыя да памяншэння колькасці чытачоў: у параўнанні з 2013 г. паменшылася на 54,4 тыс. чал. Колькасць наведванняў склала па вобласці

3 970, 5 тыс. наведванняў. 

Чытальнасць па вобласці склала 18,0; абарачальнасць фонду – 1,3. Кнігавыдача па вобласці склала 9 773, 8 тыс. экз. дакументаў (з улікам абласной бібліятэкі), што на 895 тыс. экз. менш, чым у 2013 г.

У рамках рэалізацыі Дзяржаўнай праграмы ўстойлівага развіцця сяла на 2011-2015 гг. у Мінскай вобласці дзейнічаюць 273 бібліятэкі ў аграгарадках. Агульны фонд бібліятэк аграгарадкоў налічвае 2762, 7 тыс. экз. Кнігавыдача ў бібліятэках аграгарадкоў ў 2014 г. складае 2769, 1 тыс. экз.

У вобласці камп’ютарызавана 416 бібліятэк. Парк камп’ютарнай тэхнікі павялічыўся за мінулы год на 59 адзінак,  зараз агульная колькасць камп’ютараў складае 1028, з якіх у Мінскай абласной бібліятэцы імя А.С.Пушкіна – 93,  у цэнтральных раённых – 464, дзіцячых – 44, гарадскіх філіялах – 47,  гарпасялковых – 30, сельскіх – 69, у бібліятэках аграгарадкоў – 350. Усяго па вобласці выхад у глабальную сетку маюць 327 бібліятэк, з іх 216 – бібліятэкі аграгарадкоў, 28 – сельскія бібліятэкі і 19 – дзіцячыя бібліятэкі. Уласныя сайты маюць 36 бібліятэк Мінскай вобласці: абласная бібліятэка, 18 цэнтральных, 5 дзіцячых і 10 сельскіх бібліятэк.

Сацыяльная роля бібліятэк павышалася на працягу ўсяго года за кошт выкарыстання сучасных тэхналогій, што спрыяла ўдасканаленню ўсёй сістэмы бібліятэчнага абслугоўвання. У мінулым годзе публічныя бібліятэкі вобласці працягвалі актывізацыю дзейнасці па аказанні дадатковых платных паслуг насельніцтву.

Прыбытак ад платных паслуг бібліятэк вобласці за 2014 год склаў больш за 620 млн. руб.

У сярэднім па вобласці аказваецца 29 відаў паслуг. Самымі запатрабаванымі платнымі паслугамі застаюцца выдача дакументаў з камерцыйнага фонду і чытальнай залы, ксеракапіраванне і сканіраванне.

У бібліятэках вобласці працуюць 1 285 бібліятэчных работнікаў, з якіх 933 (73%) маюць бібліятэчную адукацыю. Найбольш высокі працэнт спецыялістаў у Салігорскім (90%), Слуцкім (89%) і Маладзечанскім (89%) раёнах; найбольш нізкі – у Дзяржынскім раёне (47%).