На 31.12.2015 г. сетку публічных бібліятэк Мінскай вобласці складаюць 475 бібліятэк (з улікам абласной бібліятэкі). На працягу 2015 г. сетка скарацілася на 12 адзінак: дзейнасць спынілі  па 2 бібліятэкі ў Вілейскім, Любанскім, Мінскім раёнах, па 3 – у Клецкім і Лагойскім раёнах, 1  бібліятэка ў Старадарожскім раёне.

У 2015 годзе былі рэарганізаваны ў Бярэзінскім раёне Сялібская сельская інтэграваная бібліятэка в сельскую; ў Барысаўскім – бібліятэка-філіял «Цэнтральная дзіцячая бібліятэка ім. А.П.Гайдара» ў дзіцячы аддзел ЦБ; у Нясвіжскім раёне – Лявонавіцкая сельская інтэграваная бібліятэка ў сельскую бібліятэку; у Старадарожскім раёне Дражнаўская сельская бібліятэка ў сельскі клуб.

Інтэграцыя публічных бібліятэкажыццяўляецца з улікам сацыякультурнай і дэмаграфічнай сітуацыі. На 01.01.2016 года на тэрыторыі Мінскай вобласці дзейнічаюць 109 інтэграваных бібліятэк, 101 з якіх знаходзіцца ў ведамаснай падпарадкаванасці Міністэрству культуры, 8 – Міністэрству адукацыі.

У 2015 годзе створана 19 бібліятэк, 16 з якія знаходзяцца ў ведамстве Міністэрства культуры: 3 – у Барысаўскім; 2 – у Слуцкім; 10 – у Стаўбцоўскім; 1 – Узденскім раёнах і ў ведамстве Міністэрства адукацыі 3: Любань – 1; Лагойск – 2.

На 01.01.2016 г. ў Мінскай вобласці налічваецца 42 бібліятэкі-клуба. У 2015 годзе спынілі сваю дзейнасць 3 бібліятэкі-клуба у Клецкім раёне і 1 у Любанскім.

З мэтай поўнага ахопу бібліятэчным абслугоўваннем насельніцтва маланаселеных і аддаленых вёсак пры публічных бібліятэках дзейнічаюць 398 бібліятэчныя пункты, а таксама 18 біблібусаў, якія абслугоўваюць больш за 478 аддаленых населеных пунктаў. Колькасць чытачоў – 5 216, колькасць кнігавыдач – 52 819.

У 2015 г. карыстальнікамі бібліятэк вобласці з’яўляліся 463,1 (з улікам чытачоў абласной бібліятэкі). У бібліятэках вобласці ў цэлым назіраецца тэндэнцыя да памяншэння колькасці чытачоў: у параўнанні з 2014 г. паменшылася на 80 034 тыс. чал. Колькасць наведванняў склала па вобласці 3 595,8 тыс. наведванняў.

Чытальнасць па вобласці склала 18,4; абарачальнасць фонду – 4,5. Кнігавыдача па вобласці склала 8 583,2  экз. дакументаў (з улікам абласной бібліятэкі), што на 1 190,6 тыс. экз. менш, чым у 2014 г.

Агульны бібліятэчны фондпаменшыўся на 349,5 тыс. экз., цяпер ён налічвае 7 377,9 тыс. экз. Новыя паступленні паменшыліся на 82 695 тыс. экз. у параўнанні з папярэднім годам і ў 2015 склалі 330,7 тыс. экз.

У рамках рэалізацыі Дзяржаўнай праграмы ўстойлівага развіцця сяла на 2011-2015 гг. у Мінскай вобласці дзейнічаюць 270 бібліятэкі ў аграгарадках. Агульны фонд бібліятэк аграгарадкоў налічвае 2 689,4 тыс. экз. Кнігавыдача ў 2015 г. складае 2 442,7 тыс. экз., што на 363,1 тыс. экз. менш, чым у 2014 годзе. На 01.01.2016 год карыстальнікамі бібліятэк аграгарадкоў з’яўляліся 135,7 тыс. чалавек  – на 23 547 тыс. чалавек менш у параўнанні з мінулым годам. Колькасць наведванняў на 01.01.2016 года склала 1 084,9

У Мінскай вобласці камп’ютарызавана 475 бібліятэк.  Зараз агульная колькасць камп’ютараў складае 1 094 (з улікам абласной бібліятэкі), з якіх у Мінскай абласной бібліятэцы імя А.С. Пушкіна – 118,  у цэнтральных бібліятэках – 488, дзіцячых – 40, гарадскіх філіялах – 44, гарпасялковых – 31, сельскіх – 369, у бібліятэках аграгарадкоў – 335.

Усяго па вобласці выхад у глабальную сетку маюць 355 бібліятэк, з іх у цэнтральных бібліятэках – 23, дзіцячых – 18, гарадскіх – 26, гарпасялковых – 18 (у тым ліку ў аграгарадках – 6), сельскіх – 269 (у тым ліку ў аграгарадках – 234).

Уласныя сайты маюць 33 бібліятэкі Мінскай вобласці (з улікам абласной бібліятэкі) : абласная бібліятэка, цэнтральных – 18, дзіцячых – 5, гарпасялковых – 1, сельскіх бібліятэк – 9.

У сярэднім па вобласці аказваецца 40 відаў паслуг. Самымі запатрабаванымі платнымі паслугамі застаюцца выдача дакументаў з камерцыйнага фонду і чытальнай залы, ксеракапіраванне і сканіраванне.

У бібліятэках вобласці працуюць 1 629 бібліятэчных работнікаў.