28 мая ў Лагойскім раёне пройдзе Х абласны форум маладых паэтаў Міншчыны “Слова Купалы да творчасці кліча”.  Асноўныя мэты форуму – развіццё і падтрымка літаратурных здольнасцей таленавітай моладзі,стымуляванне творчай самарэалізацыі, адкрыццё новых паэтычных імёнаў, папулярызацыя творчасці сучасных беларускіх пісьменнікаў.

У праграме форуму: творчы семінар для маладых паэтаў ад беларускіх паэтаў, наведванне экспазіцыі філіяла “Акопы” Дзяржаўнага літаратурнага музея Янкі Купалы і свята паэзіі “Пад Купалавай зоркай”, прысвечанае 135-годдзю з дня нараджэння Янкі Купалы.

Пераможцаў форуму вызначыць журы, у склад якога ўваходзяць: паэт, празаік, перакладчык, крытык, мовазнавец, старшыня Мінскага гарадскога аддзялення грамадскага аб’яднання “Саюз пісьменнікаў Беларусі” Міхась Пазнякоў; паэтка Галіна Каржанеўская; пісьменніца, старшыня міжнароднага фонду Янкі Купалы, галоўны рэдактар газеты “Медыцынскі веснік” Таццяна Сівец; паэт, галоўны рэдактар выдавецтва “Мастацкая літаратура” Віктар Шніп.