Аддзел замежнай лiтаратуры запрашае на адкрыцце фотавыставы «Твая Беларусь»!

Выстава «Твая Беларусь» – дэбютны сумесны праект фота-мастакоў Паліны Барчанінавай і Сямёна Башкірава. Прадстаўлены фотаздымкі, зробленыя падчас вандровак па славутых і значных мясцінах Беларусі, сярод якіх вытокі Нёмана, Наваградак, Шчорсы, Заслаўе, Жалудок, Смаляны, Нясвіж і іншыя. Асаблівае месца ў матэрыялах выставы займае Мінск: сталіца паказана з цікавага і невядомага боку.

Адметная асаблівасцю фотаработ, прадстаўленых на выставе, ёсць свядомая адмова аўтараў ад ужывання фільтраў і пост-апрацоўкі, дзякуючы чаму карціны больш натуральна перадаюць фарбы і атмасферу моманту і месца, дзе яны былі зроблены.

Аўтары праекту:
Сямён Башкіраў - навуковец-матэрыялазнаўца, стваральнік і аўтар песень музычнага гурту «Новая Англія», распрацоўшчык мабільных дадаткаў.
Паліна Барчанінава - лінгвіст-перакладчык, каардынатар еўрапейскіх сацыяльных праектаў у Беларусі, у мінулым - выкладчык дашкольнай адукацыі.