|
|
Вы здесьГлавная / Прэзентацыя кнігі Генадзя Бураўкіна «Ніці лёсу»
Прэзентацыя кнігі Генадзя Бураўкіна «Ніці лёсу»
 |
Прэзентацыя кнігі Генадзя Бураўкіна “Ніці лёсу”
30 студзеня ў нашай бібліятэцы адбылася прэзентацыя кнігі Генадзя Бураўкіна “Ніці лёсу” з серыі “100 вершаў” выдавецтва “Мастацкая літаратура”.
“Ніці лёсу” - выдатны напамін пра неўміручасць беларускай паэзіі, пра яе вышыні. І яшчэ – якраз той выпадак, калі вершаваная кніга чытаецца ад першай да апошняй старонкі. У кнігу ўвайшлі 100 лепшых вершаў паэта на думку не толькі ўкладальніка кнігі, беларускага пісьменніка і перакладчыка Віктара Анатольевіча Шніпа, але і беларускай грамадскасці.
Генадзь Бураўкін - адзін з самых яркіх і самабытных прадстаўнікоў беларускіх пасляваенных паэтаў. Яго паэзія свежая, лёгкая і шчырая, застаўляе думаць і разважаць над праблемамі мінулага і сучаснаснага, зазірнуць унутр сябе і ўбачыць там свет, надзею, каханне, самаахвярнасць і любоў да сваёй Радзімы і роднай мовы.
|
Імпрэза нагадвала душэўную сустрэчу, на якой сабраліся родныя, сябры і знаёмыя Генадзя Мікалаевіча, сярод якіх знакамітыя пісьменнікі, літаратуразнаўцы, мастакі і выкладчыкі. Прысутныя дзяліліся багатымі ўспамінамі, добрымі словамі ў адрас славутага паэта і шчырай падзякай за вялікі ўнёсак у беларускую літаратуру.
Паўтары гадзіны не сціхалі вершы Генадзя Бураўкіна, а пранікнёныя і меладычныя песні ў выкананні Таццяны Матафонавай і Аляксандра Вашчанкі падхапіла і спявала разам уся зала.
Па заканчэнні мерапрыемства было бясспрэчна адно: вялікае шчасце і гонар для беларускай зямлі мець такога сына як Генадзь Мікалаевіч Бураўкін, які падарыў дзецям “Калыханку” і “Малітву” ўсім беларусам. |
Автор: administrator
|
