Прэзентацыя кнігі Зараславы Камінскай “Калядны стол. Некулінарная кніга”

16 снежня ў 18.30 запрашаем на сустрэчу з беларускай пісьменніцай, лаўрэаткай літаратурнай прэміі "Дэбют" імя Максіма Багдановіча 2018 года ў намінацыі “Проза” за аповесць “Русалкі клічуць”, выпускніцай Школы маладога пісьменніка пры Саюзе беларускіх пісьменнікаў Зараславай Камінскай.
Нарадзілася будучая пісьменніца ў 1985 годзе ў беларускім горадзе Наваполацку. Скончыла факультэт журналістыкі Беларускага дзяржаўнага ўніверсітэта, працуе ў сферы рэкламы. Друкавалася ў беларускіх літаратурных часопісах “Дзеяслоў” і “Маладосць”.

У 2017-м трапіла ў шорт-ліст прэміі “Залаты апостраф” з апавяданнем “Гульня словаў”, у 2018-м у лонг-ліст прэміі Ежы Гедройца за кнігу “Русалкі клічуць”.
У рамках сустрэчы адбудзецца прэзентацыі новай кнігі пісьменніцы “Калядны стол. Некулінарная кніга”.

Да сустрэчы! Чакаем усіх зацікаўленых!

Автор: administrator

Форма поиска

Вы здесь