Сябры! У нашай бібліятэцы дзейнічае моўны клуб “ТАК! Belarussian for foreigners” па вывучэнні беларускай мовы.

“ТАК! Belarussian for foreigners” — гэта выдатная магчымасць пазнаёміцца з людзьмі з розных краін свету, якія падзяляюць вашу любоў да беларускай мовы, Беларусі і беларусаў.

“ТАК! Belarussian for foreigners” — гэта нефармальныя адносіны ва ўтульнай абстаноўцы сярод кніжных паліц, дзе за кубачкам гарбаты ці кавы вы можаце не баяцца рабіць памылкі.

Пераадолець збянтэжанасць і загаварыць на мове дапаможа рэгулярная практыка ў нашым клубе. Заняткі адбываюцца раз на тыдзень па нядзелях а 14 гадзіне ў аддзеле краязнаўчай літаратуры. Прымаць удзел можа кожны ахвотны, трэба толькі запісацца ў бібліятэку.

Запрашаем далучыцца да нас!