Запрашаем усіх, хто цікавіцца здаровым ладам жыцця, і тых, хто жадае падтрымліваць сябе ў добрай фізічнай форме на майстар-клас па пілатэсе “Authentic Pilates” ад дасведчанага інструктара з Францыі Ларбі Бэнджэмла (Larbi Bendjemla).

 

Ларбі вучыўся пілатэсу ў Нью-Ёрку ў вядомага настаўніка Раманы Крыжаноўскай, вучаніцы самога Джозэфа Пілатэса. Больш за 20 гадоў Ларбі Бэнджэмла працуе інструктарам па пілатэсе ў ЗША і краінах Еўропы, дапамагае людзям палепшыць фізічную форму і здароўе.

 

Падчас майстар-класа вы даведаецеся пра гісторыю Джозэфа Пілатэса, унікальнасць і карысць яго метада. У вас таксама будзе магчымасць засвоіць базавыя элементы пілатэсу і задаць пытанні інструктару.

 

Мова сустрэчы – англійская.

 

Сустракаемся 26 верасня ў 18.30 у аддзеле замежнай літаратуры.