Літаратурны конкурс “Пад Зоркай Венеры”

Мінская абласная бібліятэка імя А. С. Пушкіна аб’яўляе пра пачатак анлайн-конкурсу чытальнікаў “Пад Зоркай Венеры”, прысвечанага папулярызацыі творчасці класіка беларускай літаратуры Максіма Багдановіча (у рамках абласнога праекта “Пісьменнікі – ураджэнцы роднага краю”).
Арганізатарам конкурсу з'яўляецца Мінская абласная бібліятэка імя А. С. Пушкіна, яго партнёрамі выступаюць Дзяржаўны музей гісторыі беларускай літаратуры, Літаратурны музей Максіма Багдановіча, Выдавецкі дом “Звязда” (газета “Літаратура і мастацтва”), Мінскае абласное аддзяленне Саюза пісьменнікаў Беларусі, Беларускі дзяржаўны акадэмічны тэатр юнага гледача, Радыёканал “Культура” і прадстаўніцтва Рассупрацоўніцтва ў Рэспубліцы Беларусь.
Паэзія Максіма Багдановіча займае ганаровае месца не толькі ў беларускай, але і ў агульнасусветнай скарбніцы сапраўдных шэдэўраў літаратуры. Конкурс “Пад Зоркай Венеры” – гэта не толькі ўшанаванне памяці вялікага паэта, але і магчымасць прыцягнуць увагу шырокай аўдыторыі да чытання і вывучэння беларускай літаратуры, да ўмацавання нацыянальных культурных традыцый і каштоўнасцяў, а таксама стымуляваць творчую актыўнасць вучняў школьных і пазашкольных устаноў, у тым ліку і моладзі.
Удзел у конкурсе могуць прыняць дзеці і падлеткі да 18 гадоў. Для гэтага неабходна запісаць на відэа чытанне любога верша Максіма Багдановіча на беларускай ці рускай мовах (у пачатку роліка абавязкова пазначыць сваё імя і назву твора), загрузіць ролік на воблачнае сховішча і адправіць спасылку на ролік на электронную пошту concurs.bogdanovich@gmail.com з адкрытым доступам на запампоўку.
Таксама для ўдзелу неабходна запоўніць анкету ўдзельніка і паслаць фота анкеты разам са спасылкай на відэа на той жа адрас (прыклад анкеты гл. у палажэнні аб конкурсе). Работы прымаюцца ў перыяд з 1 па 20 снежня 2022 года.
Работы ўдзельнікаў будуць разгледжаны кампетэнтным журы:
Старшыня журы – дырэктар Беларускага дзяржаўнага акадэмічнага тэатра юнага гледача Вера Палякова-Макей

Сябры журы:
дырэктар ДУ «Мінская абласная бібліятэка імя А.С. Пушкіна» Наталля Вашчыла;
старшыня Мінскага абласнога аддзялення ГА “Саюз пісьменнікаў Беларусі” Леанід Крыванос;
загадчык Літаратурнага музея Максіма Багдановіча Міхаіл Бараноўскі; рэжысёр і мастацкі кіраўнік народнага літаратурнага тэатра “Жывое слова” Алеся Сівохіна.
Пераможцы конкурсу будуць абвешчаны на сайце і ў сацыяльных сетках Мінскай абласной бібліятэкі ім. А. С. Пушкіна, на сайтах і ў сацыяльных сетках інфармацыйных партнёраў. Аўтары лепшых работ будуць узнагароджаны памятнымі дыпломамі і падарункамі ад спонсараў і партнёраў конкурсу, а таксама запрошаны на выніковае мерапрыемства ў Мінскую абласную бібліятэку ім. А. С. Пушкіна. Прызёраў у дадатковых намінацыях таксама чакаюць дыпломы і падарункі.
Выбраныя ролікі астатніх удзельнікаў конкурсу будуць апублікаваны на YouTube-канале і ў сацыяльных сетках Мінскай абласной бібліятэкі ім. А. С. Пушкіна.
Кантактныя тэлефоны: (8 017) 394-16-84 (аддзел бібліятэказнаўства); 373-70-43 (аддзел маркетынгу і сацыякультурнай дзейнасці).

Палажэнне аб конкурсе

Автор: admin

Форма поиска

Вы здесь