|
|
Канцэрт класічнай музыкі
 |
Шаноўнае спадарства, аддзел замежнай літаратуры запрашае вас на канцэрт класічнай музыкі, які адбудзецца 10 снежня ў 16.00 у выставачнай зале Мінскай абласной бібліятэкі імя А.С. Пушкіна. У выкананні дуэта флейты-траверса і фартэпіяна прагучаць творы:
Галіна Мацюкова нарадзілася ў Гомелі, скончыла Беларускую дзяржаўную кансерваторыю па класе флейты ў С.В.Сізко. Пасля заканчэння навучання працавала ў Валгаградскім сімфанічным аркестры і ў ансамблі старадаўняй музыкі з гістарычнымі інструментамі “Калегіюм-Музікум Валгаград”.
Працягнула адукацыю па класе флейты-траверса ў Вышэйшай школе музыкі ў Штутгарце ў Х.-І.Фуса і ў Вышэйшай школе музыкі ў Трасінгене ў Л.Брунмайр-Тутц. Удзельнічала ў майстар-класах Б.Койкена, К.Хюнтэлера, Й.Крыстэнсена, Дж.-Э.Гардынера.
Выступала ў праектах Томаса Хенгельброка, Хасэ Васкеса, Лінды Брунмайр, Ханса- Ойгена Экерта, Дорыс Хагель; рэгулярна выступае ў складзе ансамбля "The Pochet Simphony" (Масква) пад кіраўніцтвам Назара Кажухара.
Выкладае факультатыўны курс па гістарычнай выканальніцкай практыцы на кафедры драўляных духавых інструментаў Беларускай дзяржаўнай акадэміі музыкі (флейта-траверса, блок-флейта) і з'яўляецца пастаяннай удзельніцай ансамбля "Камерныя салісты Мінска" пад кіраўніцтвам Дзмітрыя Зубава. |
Юлія Баранава нарадзілася ў 1983 годзе ў горадзе Дзяржынску (Мінская вобласць). У 1990-2001 гг. навучалася ў Беларускім Рэспубліканскім навучальным комплексе гімназія-каледж мастацтваў ім. І.О.Ахрэмчыка (клас фартэпіяна выкладчыка Т.І.Маркавай). У 2001-2006 гг. працягнула навучанне ў Беларускай дзяржаўнай акадэміі музыкі і пасля яе заканчэння ў магістратуры (2007) (клас прафесара Л.З.Тэр-Мінасян). У час навучання неаднаразова брала ўдзел у розных рэспубліканскіх і міжнародных фартэпіянных конкурсах і фестывалях, у ліку якіх Міжнародны конкурс фартэпіянных дуэтаў "Брат і сястра" ў Санкт-Пецярбургу (дыплом і спецыяльны прыз за выкананне твора сучаснага аўтара; 1998); IV Міжнародны конкурс піяністаў ім. А.Аліевай у Францыі (званне лаўрэата і спецыяльная прэмія за віртуознасць; 2004); Міжнародны конкурс піяністаў "Мастацтва XXI стагоддзя" ва Украіне (II прэмія; 2006). З'яўляецца стыпендыятам спецыяльнага фонду Прэзідэнта Рэспублікі Беларусь па падтрымцы таленавітай моладзі (2004; 2006).
У 2006-2012 гг. Юлія Баранава працавала ў Маладзечанскім дзяржаўным музычным каледжы ім. М.К.Агінскага на пасадзе выкладчыка і канцэртмайстра. У перыяд працы вяла актыўную канцэртную дзейнасць як салістка і канцэртмайстар. У дуэце з А.Сіўко і іншымі опернымі спевакамі прымала ўдзел у міжнародных конкурсах вакалістаў, якія праходзілі ў Эстоніі (2008; 2009), Фінляндыі (2009), Расіі (2008; 2009), дзе была неаднаразова адзначана дыпломамі за высокае канцэртмайстар. Удзельнічала ў майстар-класах Т.Жыліс-Гара (Эстонія; 2009) і Я.Несцярэнка (Фінляндыя; 2009). У 2014-2018 гг. працавала выкладчыкам на кафедры канцэртмайстарскага майстэрства Беларускай дзяржаўнай акадэміі музыкі. Цяпер Юлія Баранава працуе ў Дзіцячай музычнай школе мастацтваў № 14 г. Мінска ў якасці канцэртмайстра і выкладчыка.
Піяністка вядзе актыўную канцэртную дзейнасць не толькі ў Беларусі, але і за яе межамі (Эстонія, Расія, Украіна, Швейцарыя, Францыя, Польшча, Інданэзія), выступаючы сольна і ў складзе розных камерна-інструментальных ансамбляў. У яе рэпертуары творы І.С.Баха, Л. ван Бетховена, Р.Шумана, Ф.Ліста, І.Брамса, М.Мусаргскага, К.Сен-Санса, П.Чайкоўскага, С.Рахманінава, М.Равеля, М. .Метнера, А.Скрабіна, С.Пракоф'ева, А.Тансмана, Д.Шастаковіча, Д.Кабалеўскага і інш. Сольныя праграмы Юліі Баранавай былі прадстаўлены на лепшых канцэртных пляцоўках сталіцы, у ліку якіх канцэртная зала Беларускай дзяржаўнай акадэміі музыкі (2001–2008) ), Малая зала ім. Р.Шырмы Беларускай дзяржаўнай філармоніі (2010), канцэртная зала “Верхні горад” (2018; 2019), а таксама ў музычных навучальных установах Мінска і Маладзечна. У 2019 годзе сумесна з Галінай Мацюковай у музеі "Дом Ваньковічаў" піяністка з поспехам прадставіла канцэртную праграму, якая аб'яднала сачыненні для флейты і фартэпіяна кампазітараў розных эпох. Таксама ў 2017-2019 гг. Юліяй Баранавай была праведзена серыя сольных канцэртаў-лекцый "Класіка для ўсіх", прысвечаных рознай музычнай тэматыцы.
У 2008 годзе Юлія Баранава прымала ўдзел у стварэнні фондавага запісу Канцэрта №2 соль-мінор для фартэпіяна з аркестрам К.Сэн-Санса для Белтэлерадыёкампаніі (пры ўдзеле Сімфанічнага аркестра Белтэлерадыёкампаніі пад кіраваннем А.Сасноўскага). |
Автор: admin
|
