1 снежня 2022 г. стартаваў анлайн-конкурс чытальнікаў “Пад Зоркай Венеры”, прымеркаваны да дня нараджэння Максіма Багдановіча (у рамках абласнога праекта “Пісьменнікі – ураджэнцы роднага краю”). Ужо ў першы дзень пачалі паступаць творчыя працы ўдзельнікаў, якія размяшчаюцца на YouTube-канале Мінскай абласной бібліятэкі імя А. С. Пушкіна. У гэты дзень сябры аргкамітэту конкурсу загадчык аддзела маркетынгу і сацыякультурнай дзейнасці Наталля Жаркевіч і загадчык аддзела бібліятэказнаўства Таццяна Лаўрык наведалі партнёра конкурсу Канал “Культура” Беларускага радыё.

У праграме “Дыялогі пра культуру” супрацоўнікі бібліятэкі расказалі пра абласны праект “Пісьменнікі – ураджэнцы роднага краю” і арганізацыю конкурсу “Пад Зоркай Венеры” у рамках гэтага праекту. Асобныя працы ўдзельнікаў конкурсу прагучаць у эфіры Беларускага радыё 8 снежня напярэдадні дня нараджэння Максіма Багдановіча, якое будзе святкавацца 9 снежня 2022.
Матэрыял пададзены аддзелам бібліятэказнаўства