Літаратурны конкурс “Пад Зоркай Венеры”: прыём творчых прац завершаны

20 снежня 2022 г. афіцыйна завяршыўся прыём творчых прац анлайн-конкурсу чытальнікаў “Пад Зоркай Венеры”, які праходзіць у рамках абласнога праекта “Пісьменнікі – ураджэнцы роднага краю”.
Ініцыятыва правядзення конкурсу выклікала неверагодную цікавасць у дзяцей і моладзі. Усяго было даслана больш за 1500 відэа не толькі з Беларусі, але і з іншых краін, што робіць гэты конкурс сапраўды міжнародным. Мінская абласная бібліятэка імя А.С. Пушкіна, сябры журы і іншыя арганізатары конкурсу выказваюць вялікую ўдзячнасць усім, хто прыняў у ім удзел.

Несмяротная літаратурная спадчына Максіма Багдановіча стала выдатнай нагодай паказаць свае навыкі і таленты, праявіць самыя яркія бакі працавітасці і энтузіязму. Несумненна, для многіх удзельнікаў конкурсу іх выступленне стала першай прыступкай на шляху развіцця сваіх лепшых творчых і чалавечых якасцей.
У бліжэйшы час кожная праца будзе аформлена і выкладзена на афіцыйным YouTube-канале бібліятэкі, дзе ацаніць намаганні ўдзельнікаў конкурсу зможа кожны наведвальник онлайн-рэсурса. Просім не забываць пра тое, што вашыя “лайкі”, водгукі і іншая актыўнасць будзе ўлічвацца пры падвядзенні вынікаў. Запрашаем падпісвацца на канал, каб не прапусціць новыя відэа!
У сувязі з вялікай колькасцю дасланых работ іх разгляд і вызначэнне пераможцаў будзе праходзіць на працягу студзеня 2023 года. Сачыце за навінамі на сайце Мінскай абласной бібліятэкі імя А.С. Пушкіна, сацыяльнымі сеткамі і сайтамі арганізатараў.
Жадаем поспехаў усім удзельнікам конкурсу!

Тэлефон для даведак: +375 (17) 373-70-43 (аддзел маркетынгу і сацыякультурнай дзейнасці)

Автор: admin

Форма поиска

Вы здесь