|
|
Вы здесьГлавная / Вынікі анлайн-конкурсу “Пад Зоркай Венеры”
Вынікі анлайн-конкурсу “Пад Зоркай Венеры”
 |
Паважаныя чытачы і ўдзельнікі анлайн-конкурсу чытальнікаў “Пад Зоркай Венеры”!
Мінская абласная бібліятэка імя А. С. Пушкіна аб'яўляе аб завяршэнні анлайн-конкурсу “Пад Зоркай Венеры”. 27 лютага 2023 года прайшоў другі і завяршальны этап адбору пераможцаў. Арганізацыйны камітэт і члены журы, адгледзеўшы работы каля 200 фіналістаў, выбралі з іх 40 чытальнікаў, чый талент, крэатыўнасць і працавітасць дазволілі ім стаць паўнапраўнымі пераможцамі конкурсу.
Анлайн-конкурс чытальнікаў “Пад Зоркай Венеры”, прысвечаны ўшанаванню памяці класіка беларускай літаратуры Максіма Багдановіча, вызначыўся небывалым маштабам і стаў сапраўднай вехай абласнога праекта “Пісьменнікі – ураджэнцы роднага краю”. Мінская абласная бібліятэка імя А.С. Пушкіна атрымала каля 2000 відэаролікаў ад юных чытальнікаў не толькі з Беларусі, але і іншых краін. Неверагодна радасна ўсведамляць тое, што несмяротныя вершы Максіма Багдановіча не губляюць сваёй актуальнасці і знаходзяць жывы водгук у сэрцах сучаснай моладзі. Дасланыя на конкурс работы чарговы раз паказалі, наколькі Беларусь багатая на яркія і выдатныя таленты. Відэаролікі ўдзельнікаў здзіўлялі і радавалі выразнай падачай і артыстычнасцю, старанна падабранымі касцюмамі і дэкарацыямі, вынаходлівым мантажом і прымяненнем “храмакея”. Несумненна, кожны з удзельнікаў конкурсу заслужыў сваю “ хвіліну славы “ і самыя цёплыя словы ў свой адрас, таму адбор фіналістаў і пераможцаў быў няпростым.
Мінская абласная бібліятэка імя А.С. Пушкіна і члены журы ад усёй душы віншуюць пераможцаў анлайн-конкурсу “Пад Зоркай Венеры”! Ва ўмовах такой высокай канкурэнцыі іх працы вылучаліся найвышэйшай якасцю, арыгінальнасцю задумкі і выканання, дзякуючы чаму заслужана занялі свае прызавыя месцы! Арганізатары таксама выказваюць вялікую ўдзячнасць усім, хто адгукнуўся і прыняў удзел у конкурсе – вашы намаганні былі заўважаныя і ацэненыя па вартасці! Не спыняйцеся, працягвайце развіваць і ўдасканальваць свае таленты і навыкі! Жадаем усім удзельнікам дасягнення новых вышынь у пастаўленых мэтах! |
|
У падзяку за ўдзел у конкурсе кожны чытальнік атрымае персанальны памятны сертыфікат. Урачыстае ўзнагароджанне пераможцаў анлайн-конкурсу “ Пад Зоркай Венеры” адбудзецца ў ходзе мерапрыемства ў Мінскай абласной бібліятэцы імя А.С. Пушкіна. Анонс мерапрыемства адбудзецца пазней, сачыце за абнаўленнямі афіцыйнага сайта і сацыяльных сетак бібліятэкі. А таксама падпісвайцеся на наш YouTube канал – https://www.youtube.com/@pushkinka9405 -на якім можна пазнаёміцца не толькі з працамі ўдзельнікаў конкурсу, але і з відэа-справаздачамі з мерапрыемстваў, якія прайшлі ў бібліятэцы.
Тут знаходзіцца агульны спіс пераможцаў.
Матэрыял падрыхтаваны аддзелам маркетынгу і сацыякультурнай дзейнасці.
|
Автор: admin
|
