11 мая 2023 года на базе ДУК “Уздзенская цэнтральная раённая бібліятэка імя П. Труса” (г. Узда, вул. Навіцкага, 9) адбудзецца літаратурна-музычнае свята “У вянок Песняру”, прымеркаванае да дня нараджэння беларускага письменника, перакладчыка Паўлюка Труса ў рамках абласнога праекта “Пісьменнікі – ураджэнцы роднага краю”. Арганізатарамі мерапрыемства выступілі ДУК “Уздзенская цэнтральная раённая бібліятэка імя П. Труса”, ДУ “Мінская абласная бібліятэка імя А. С. Пушкіна”, установа “Беларускі дзяржаўны архіў-музей літаратуры і мастацтва” і выдавецтва “Мастацкая літаратура (часопіс “Полымя”).

6 мая 2023 годзе адзначалася 119-годдзе з дня нараджэння Паўлюка Труса (1904–1929), які нарадзіўся ў в. Нізок Уздзенскага раёна Мінскай вобласці. Значная падзея ў жыцці бібліятэк Уздзенскага раёна адбылася ў 1960 годзе, калі раённай бібліятэцы прысвоілі імя Паўлюка Труса. З гэтага часу ўшаноўваецца памяць паэта-земляка на яго радзіме. У 2015 годзе своеасаблівым брэндам бібліятэкі стала краязнаўчая літаратурная гасцёўня “У Паўлюка”. Гэтаму садзейнічала вялікая пошукава-творчая работа, якая доўжылася не адзін год, таксама на сайце бібліятэкі з’явіўся віртуальны музей, прысвечаны жыццёваму і творчаму лёсу Паўлюка Труса. Каб ушанаваць памяць пісьменніка на радзіме, да свята Уздзенскай цэнтральнай раённай бібліятэкі далучацца госці з г. Мінска: беларускія пісьменнікі, літаратуразнаўцы, бібліятэкары і архівісты.

Матэрыял падрыхтаваны аддзелам бібліятэказнаўства.