22–23 мая 2024 года на базе ДУ “Мядзельская цэнтральная раённая бібліятэка імя М. Танка” адбудзецца абласная школа дырэктара “Публічная бібліятэка: пошук уласнага іміджу і павышэнне рэйтынгу ў грамадстве”. У гэтым годзе пасля доўгага перапынку мерапрыемства вяртаецца да былога фармату і разлічана на два дні, за якія яго ўдзельнікі атрымаюць магчымасць падрабязней пазнаёміцца з Мядзельскім раёнам і яго культурнымі асаблівасцямі, а таксама больш даведацца пра дзейнасць розных бібліятэк ДУ “Мядзельская цэнтральная раённая бібліятэка імя М. Танка”.

У ходзе работы мерапрыемства прайдзе круглы стол, на якім плануецца абмеркаванне пытанняў па розных аспектах дзейнасці бібліятэк: новых фарматах працы сучаснай бібліятэкі, магчымасцях і стратэгіі міжнароднага супрацоўніцтва, развіцці пазабюджэтнай дзейнасці і пазіцыянаванні працы бібліятэкі ў віртуальнай прасторы. Сваім вопытам па арганізацыі падобнай дзейнасці падзеляцца прадстаўнікі бібліятэчнай сферы Беларусі і Расіі.