Як сталы збор творчых людзей сацыякультурны праект «Рэзананс» пачаў сваю дзейнасць у 2000 году. На сённяшні дзень  ён уяўляе сабою інавацыйную сацыяльную мадэль мэтазгоднага выкарыстання рэсурсу вольнага часу.

 

У аснову праекта пакладзена ідэя ўсвядомленай адказнасці спелай свядомасці за якасць стану сацыяльных адносін. Дадзеная ідэя была выклікана імкненнем арганізатараў унесці пазітыўныя змены ў сацыяльнае жыццё людзей, бо «свет трывожаны, усё часцей і часцей дабрыню заціскаюць у ціскі… Я дару чалавецтву шчасце белай формулай з чорнай дошкі».

 

Галоўная мэта праекта – фармаванне гарманічных міжасобасных і сацыяльных адносін на аснове ўсведамлення яго ўдзельнікамі таго, на які высокі творчы ўзровень можа падняць чалавека гармонія ўзаемадзеяння ў калектыве аднадумцаў.