Дзмітры Лазавы 

 

Мастак Дзмітры Мікалаевіч Лазавы нарадзіўся ў 1978 году ў Мінску. Скончыў Мінскую мастацкую вучэльню імя А.К.Глебава ў 2003 годдзе. Вучыўся ў выдатных мастакоў-выкладчыкаў: Аляксея Барысавіча Высоцкага, Аляксандра Цімафеевіча Салькова, Ігара Ўладзіміравіча Ўласава ды іншых. Працуе ў станковым жывапісе ў жанрах нацюрморта, пейзажу, партрэта, у анімалістычным жанры.

 

Асноўныя выставы: 

2006   Мастацкая моладзевая выстава "Як я правёў лета". Палац мастацтваў, г.Мінск.

2008   Гарадскі фэст творчасці інвалідаў ОО "БЕЛОИ" г.Мінска  "20 гадоў разам!".

2008   Рэспубліканскі фэст творчасці інвалідаў ОО "БЕЛОИ", г.Віцебск.

2011   Міжнародны фэст творчасці інвалідаў "Віцебск-2011".

2013   Міжнародны фэст творчасці інвалідаў "Віцебск-2013".

 

На выставе прадстаўлена карціна "Хрызантэмы. Залатая восень". Гэта невялікае палатно было напісана як эцюд у кастрычніку 2013 года. Мастак ставіў перад сабой задачу перадаць прыгажосць простых восеньскіх кветак у гліняным гарлачыку ля вакна. І разам з тым паказаць хутка знікаючы яркі стан восеньскай прыроды за вакном, калі дрэвы ў садзе маюць прыбраную каляровую лістоту, якая аблётае пад парывамі ветра.