Літаратурны конкурс “Пад Зоркай Венеры” – усе “колеры” талентаў

Анлайн-конкурс чытальнікаў “Пад Зоркай Венеры”, прысвечаны папулярызацыі творчасці класіка беларускай літаратуры Максіма Багдановіча (у рамках абласнога праекта “Пісьменнікі – ураджэнцы роднага краю”), працягвае сваю працу. Кожны дзень на электронны адрас конкурсу прыходзяць дзясяткі творчых прац удзельнікаў конкурсу з усіх куткоў Беларусі, на сённяшні дзень іх колькасць складае ўжо больш за 300.
Мінская абласная бібліятэка імя А.С. Пушкіна і яе партнёры выказваюць сардэчную падзяку за актыўнасць і энтузіязм удзельнікам конкурсу. Кожнае дасланае відэа здзіўляе сваімі творчымі знаходкамі – прафесійнымі здымкамі і мантажом, незвычайнымі дэкарацыямі, касцюмамі і акцёрскімі здольнасцямі чытальнікаў. Сярод удзельнікаў сустракаюцца не толькі сольныя запісы, але і чытанне вершаў дуэтам і нават цэлай групай. Прыемна бачыць, як творчасць Максіма Багдановіча знаходзіць такі гарачы водгук у сучасных дзяцей і падлеткаў.
Паглядзець ужо дасланыя відэа можна на афіцыйным YouTube-канале нашай бібліятэкі. Глядзіце і ацэньвайце відэа ўдзельнікаў, падпісвайцеся на канал, каб не прапусціць новыя ролікі! Запрашаем не шкадаваць “лайкаў” удзельнікам, якія вам спадабаліся, бо журы конкурсу будзе ўлічваць “глядацкія сімпатыі” пры падвядзенні вынікаў!
Нагадваем усім, хто жадае прыняць удзел у конкурсе, што прыём работ працягнецца да 20 снежня 2022 года. Свае працы дасылайце на электронны адрас concurs.bogdanovich@gmail.com разам з анкетай удзельніка. Азнаёміцца з палажэннем аб конкурсе вы можаце на сайце нашай бібліятэкі.
З нецярпеннем чакаем вашы творчыя працы!
Тэлефон для даведак: +375 (17) 373-70-43 (аддзел маркетынгу і сацыякультурнай дзейнасці)

Автор: admin

Форма поиска

Вы здесь